Gewensde Dohne-bouvorm: Só lyk ’n topram

Hiervoor is ’n sterk en gesonde stoetvaar nodig – een wat sommer met die eerste oogopslag ’n goeie indruk maak.

By die Suidplaas-veiling stel Wynand topgenetika deur sy ramme beskikbaar, maar kopers moet weet watter eienskappe gewensd is vir die ras om hul seleksie te maak.

Met jare se ervaring, raak ’n mens goed vertroud met die fisiese eienskappe van ’n goeie Dohne-ram, sê Wynand. Deur hand-en-oog-seleksie, kan die sterkste skape vroeg reeds aan hul bouvorm uitgeken word, sonder om na syfers te kyk.

Die maatstawwe waaraan ’n ram se waarde gemeet word, verskil van land tot land. Volgens Wynand: “In Australië word daar, byvoorbeeld, na die sogenaamde ‘muscle depth‘ gekyk, maar dit is nie vir Suid-Afrikaanse telers so belangrik nie.”

Boere se voorstellings van die ideale ram lyk ook verskillend. Maar daar is tog sewe basislyneienskappe waarna ’n mens behoort te kyk wanneer jy ’n ram uitsoek, meen hy:

“Dit is die basiese dinge waarvoor jy moet kyk,” sê Wynand, “maar onthou dat bouvorm alleen nie ’n goeie ram maak nie. Wolkwaliteit en vrugbaarheid vorm ook deel van die gene wat tot jou kudde toegevoeg word, so maak seker die ram voldoen aan jou behoeftes en kyk na sy BLUP-syfers.”